唯一軒不嬲都係食環境, 食氣氛; 香港人同外國人都有, 最近多咗好多人排隊, 尤其係韓國人????!!!!
問返D韓國人朋友, 果然係上咗韓國電視飲食節目!
好多韓國人來到香港, 都要來朝聖.
一於BOOK定枱, 帶埋呢個韓國朋友試下, 等佢可以響D同鄉面前威威!!
餐廳環境同其他中環半山等中式餐廳相似, 比較浮誇嘅中國特色, 燈光比較暗.
Lunchtime, 多數都係叫抵食嘅SET.
$88一位, 有齊前菜、主菜、餃子同中國茶. 連加一, 100蚊可以出門口.
前菜方面: <<椒鹽茄子>>幾好食, 好脆口.
<<皮蛋豆腐>>幾滑, 幾入味!!
講到明辣嘅<<擔擔麵>>好有水準, 韓國朋友連湯連汁乜都食哂.
我試咗<<素菜炒麵>>, 份量十足, 唔油膩, 幾好!!
10個有9個半都係叫<<小籠飽(包)>>.
一人有2個, 皮薄餡靚, 肉汁澎湃!!
最近特別多外國客, 建議想試要打定電話去BOOK位.
