不toast不快 (已結業)

首先，等候時間耐，只係等4個Number，但足足等左差唔多25分鐘。其次，等左咁耐時間，但Toast攞上手都竟然完全唔熱，只係暖暖地。另外一個大問題，完全唔明點解茄汁會唧係個面到，但Toast入面係無茄汁。個茄汁仲要唔係均勻咁唧，求其唧左係個面到就算。所以第一啖食既時候，剩係食到成個口都係茄汁，其他咩味都食唔到。仲有，兩塊麵包皮油膩到不得了，食到咁上下，剩底既麵包完全唔想食。除左吐司入面塊炒雞蛋比較正常之外，諗唔到塊Toast有咩優點。整體黎講，唔好話值唔值得排隊，就算唔使等，都唔會再有下次。食過幾間賣韓式Toast既小店，無論係味道定係其他感受，今次都係最差既一次。