影片
更多
2014-07-22
1797 浏览
今日都無咩點食野，所以夜晚好肚餓，決定去一間出名重量級既拉麵-混亂拉麵！！ 久聞佢既大名好耐啦~~一路都未有機會挑戰，今次可以食個飽！！係深水埗一帶最出名既都應該係“隱家“沾麵，而去得混亂既大多數都係因為知道呢間同隱家係同一個老闆吧？ 相對隱家呢度無咁多人排，夜晚時段8成滿但都可以一下子就有位坐。一眼之下地方比隱家寬敞，起碼唔洗坐汽水箱先=￣ω￣= 20個位左右，大部分都係吧木台位對住廚房，加上連啲menu都係日文，都幾有日本feel的！！ 久聞呢度份量十足，於是點了普通混亂拉麵+玉子就好，另外蒜，雜菜和醬油加倍。見到有個好得意既term"背脂先生“ 一問之下原來是豬油>_<¦¦¦ 未免太罪惡所以沒點了。麵條軟硬沒得選！！但因這裡同隱家同上同一隻麵，所以應該ok的。。等了5-10分鐘由吧台端上熱呼呼又大大碗的拉麵！！其實我所見的沒有想像中嚇人，沒有“一座山“的感覺，可能因為我不是點三倍加倍吧@@先試一試湯底，不是一般純豬骨湯底，有一種平時阿媽煲蕃茄薯仔豬骨湯果種感覺，但入口是很rich的，而且都幾油，加上有濃濃的蒜味同背脂先生！嘩，真係少啲口味都頂唔順！我一般都係少油
今日都無咩點食野，所以夜晚好肚餓，決定去一間出名重量級既拉麵-混亂拉麵！！ 久聞佢既大名好耐啦~~一路都未有機會挑戰，今次可以食個飽！！係深水埗一帶最出名既都應該係“隱家“沾麵，而去得混亂既大多數都係因為知道呢間同隱家係同一個老闆吧？ 相對隱家呢度無咁多人排，夜晚時段8成滿但都可以一下子就有位坐。
一眼之下地方比隱家寬敞，起碼唔洗坐汽水箱先=￣ω￣= 20個位左右，大部分都係吧木台位對住廚房，加上連啲menu都係日文，都幾有日本feel的！！
久聞呢度份量十足，於是點了普通混亂拉麵+玉子就好，另外蒜，雜菜和醬油加倍。見到有個好得意既term"背脂先生“ 一問之下原來是豬油>_<¦¦¦ 未免太罪惡所以沒點了。麵條軟硬沒得選！！但因這裡同隱家同上同一隻麵，所以應該ok的。。
等了5-10分鐘由吧台端上熱呼呼又大大碗的拉麵！！其實我所見的沒有想像中嚇人，沒有“一座山“的感覺，可能因為我不是點三倍加倍吧@@
先試一試湯底，不是一般純豬骨湯底，有一種平時阿媽煲蕃茄薯仔豬骨湯果種感覺，但入口是很rich的，而且都幾油，加上有濃濃的蒜味同背脂先生！嘩，真係少啲口味都頂唔順！我一般都係少油人士，但今次因已經預先知道呢間野既特點係咁，所以就安意接受了^_^¦¦¦
第一次食拉麵要返起啲材料幾次先搵到啲拉麵，哈哈，真係好誇張。麵條啲感覺比隱家的扁身和較橫，有點似扁意粉，但食落係煙韌的。其實都硬身，條條分明，唔會黏住個口。加上湯底濃郁，掛湯也不錯，食麵時都感受到濃湯。
這裡雖然是重口味，但有個好處是很多菜。芽菜發椰菜堆滿了湯內，對於減淡這個肥肥的湯底起不不少作用，而且菜浸過湯後亦變得十分香口，連平時少食芽菜的我也不禁大食特食~~~
叉燒用上很多很多肥膏的部分！！親眼見住隔離位女士將成條外圍肥膏無食放係碗邊。。真係好邪惡！！但我堅持點都要試！食落要很軟綿綿好好食！！肥瘦亦然~~都係好腍，還有香口的豬油味，還有兩大塊~比起其他得一塊重要乾巴巴好太多了！
嘩，真係成粒豬油係碗湯入面浮游。。。好誇張，唯獨呢個真係唔敢食，好肥。。。 食到一半聽從其他食家建議落一落這裡的魚干醋。在穩家也有昆布醋，同樣係落左勁好食！ 這裡有左少少再食都係更能帶出湯底鮮味，加上有啲酸就更醒神了~
故意食到最尾先食隻蛋，因為想佢係個湯度浸耐啲索下味先。隻蛋浸左一陣但都重係好流心，當我用湯勺兜住隻蛋想隔走啲湯時，中間啲蛋黃竟然一齊流走！！即刻唔倒，連湯食~~好滑好濃蛋味同醬油味，中間蛋漿啫喱得黎又會流出黎，完全熟既部分得好少，真係好正~~ 食完真係飽晒，但係係真係填滿左個肚，而唔係因為肥膩而食唔落，滿足的一餐！
雖然好食，但咁重口味都不宜經常食，一眼所見食客8成都係男士，睇黎大碗麵真係唔係幾岩女士們吧。。呢度可以狂加配菜的確對大胃口人士係一大賣點！
重口味人士適用餐廳XD想回食都係去返隱家好了XD
张贴
