涼小姐 (已結業)

涼小姐天后電氣道96號地舖專做手工涼皮、涼面、涼拌菜同各種川式小食既外賣小店，人手唔多，是次幫襯只見有一男一女在店面，超級有禮殷勤👍我第一次幫襯所以唔熟，佢唔嫌我煩，好細心解釋，超級nice!店面雖然唔大，不過都見佢啲食物放得非常衛生企理！啲客落咗order之後,佢就將啲涼拌菜撈埋。 啲涼拌菜全部都放喺室內玻璃位置入面，入面又有冷氣， 所以完全唔怕街外嘅灰塵會吹到入去又或者啲菜容易變壞，食物衛生做得不錯👍揀咗個二人套餐，可以自選3素+2葷，共5個餸。我揀左萵筍、 蓮藕片、腐竹、牛展、金錢肚，小辣。原來入面仲有一啲芫茜、花生等配菜。惹味開胃！食住呢個配啤酒其實好正！配涼皮、涼麵各一，除咗涼皮、涼面之外，每碗都有好多配菜：蘿蔔絲,青瓜絲,辣豆,芽菜,芫茜,涼皮仲有鵪鶉蛋等等，幾足料又好味！配一款小食，可以揀小酥肉/燒椒皮蛋/燒椒茄子/薯多多。樣樣都好吸引，最後揀咗小酥肉,好大份，好多肉，好好味！😋夏天開胃之選👍