來多碗車仔麵 (康寧道) (已搬遷)

今日朋友就帶咗我嚟呢間來多碗食車仔麵

呢度叫餸既方法係舊式既方法，隔住塊玻璃企係d餸面前想食咩就叫咩，而家好多都係用紙去畫餸，欣賞佢地呢種環保方式，而且又保持到傳統。

我企係麵檔前諗左都幾耐下，老闆娘就話有麵，米粉同米線，

我叫左蘿蔔，豬紅同埋豬皮米線，都係果D叫車仔麵必食既送。一間好食既車仔麵，呢3樣野係唔可以唔好食既。

麵既份量適中，冇叫加底。豬皮爽彈得黎入味，豬紅做得好滑，蘿蔔亦都好甜。

餐廳既環境都算乾淨，張檯唔會痴立立。