串Grill 自助燒烤專門店 (譽發廣場) (已結業)

今晚就唔係我哩個為食貓發辦食咩，係朋友帶左我去旺角彌敦道譽發廣場七樓“串Grill”食放題串燒，二百幾蚊就可以食足兩小時。可能時間尚早，我地兩個人都安排咗一張大台，坐得好闊落好舒服。 店員好耐心咁解釋點樣去運作個燒烤爐，咁樣食嘅咁方便嘅串燒我都係第一次。一坐低就會有個welcome tray俾你，有腸仔，丸肉咩都有少少。 然之後就QR Code落單，用豬，牛，羊，雞，海鮮等分類啲嘢食。串燒會自己轉動，好方便，而且食物俾比我想像中快熟。想推介嘅就係雞卷肉，豬腸同牛舌。燒嘅時候要掌握好 D 時間，因為燒耐就會變得乾身。野飲選擇都好多，除咗有汽水茶之外仲有教主代言嘅OOHA汽水系列。 我本身都未試過，零糖零卡，一啲負擔都無。食到最後當然就係要燒番幾片菠蘿減1一減油膩感，但係最後都抵受唔到棉花糖嘅誘惑， 外脆內軟嘅口感實在無法抗拒。題外話，餐廳喺旺角廣華街都有分店，訂咗枱就記得唔好去錯分店啦。