米線哥 (已結業)

一入舖頭已經覺得好光，好乾淨，企理。侍應姐姐態度亦好好，佢地介紹我食藥材麻油雞米線，只限堂食。加$1就送飲品。一送到碗米線係非常熱辣辣，我最怕湯唔熱。而且成碗一上枱係非常香麻油味，個米線質地比較煙韌，唔似其他牌子比較淋。我中意佢個桂圓甜甜地，又有金針，木耳，金菇，只係個雞未太入味，可待改進。但已經比其他米線舖用冷藏雞絲好見侍應姐姐好勤力抹枱，亦有噴清潔劑抹，附近冇乜米線舖，好開心有多一個好味選擇。