茶餐廳2.0 (已結業)

愉景新城內有唔少食肆， 但係呢期都要睇一睇安全至上。 喺門口睇緊menu猶疑僅入唔入去之際，見到員工幫食客量溫度， 而且佢哋都係帶住口罩。我自己叫咗紅酒牛尾， 朋友叫咗墨西哥牛脷， 仲有一個咖哩雜菜。 隨餐跟羅宋湯，微辣，好好味，但飲完飽咗一半， 好大碗㗎。牛尾炆得唔夠淋， 如果淋啲入味啲會更好。 墨西哥牛脷冇諗過佢係辣嘅， 個人覺得幾好食但係偏鹹， 隔離枱都係嗌咗呢一個畀小朋友，聽到佢哋話好辣至於咖哩雜菜， 微辣多蔬菜， 素食之選。試咗佢嘅珍珠奶茶，同埋熱情果梳打。 如果珍珠奶茶呢個價錢， 其實都算唔錯。 熱情果梳打有果肉， 不錯可以試試。