阿四車仔麵 (已結業)

約咗朋友喺旺角食晏，佢話想食車仔麵，咁我就帶咗佢嚟呢間乾乾淨淨嘅小店😁我叫咗出前一丁麵，朋友就叫咗讚岐烏冬，我哋各自叫咗4-5個餸，有啲一樣有啲唔一樣，包括：滷水腩肉、大紅腸、午餐肉、瑞士雞翼、豬紅、白蘿蔔、辣魷魚、溏心蛋，基本上全部都幾好食，其中特別美味嘅有：- 滷水腩肉半肥瘦，肥嘅部份好滑瘦嘅就好軟熟，非常入味😋- 白蘿蔔超級鮮甜、嫩滑😋- 午餐肉煎得極香口😋- 溏心蛋非常溏心、好美味😋我哋仲叫咗生菜同菜心，幾好食😋我要咗熱奶茶，朋友就叫咗凍嘅樽仔「港式奶茶」，兩個都香濃好飲😋朋友食得好滿足，仲非常感謝我帶佢嚟呢間美味嘅車仔麵店😁