樓上大排檔

营业中

休息中

今日想同朋友食下中菜談吓心 佢選擇左呢間位於灣仔嘅樓上大排檔~位置非常好揾，去到裝修非常有空格，將好多香港八九十年代嘅特色裝修擺咗入去 例如有遊戲機中心 賣魚勝等等 😛最特別嘅係用升降機裝飾嘅廁所位！非常有特色！位置亦都好寬闊，坐得好舒服，睇一睇個餐牌價錢都幾合理 🤩叫咗幾樣食物試吓泰式無骨鳳爪 冇晒骨非常方便進食 鳳爪爽口 配上酸酸甜甜嘅醬汁 係一道開胃嘅前菜古法炒蜆啲蜆非常大粒 蜆肉飽滿 冇沙，份量又夠多，好好食！魚香茄子煲非常惹味一道菜，唔會出錯嘅一道菜樓上小炒王用上韭菜 腰果 蝦乾等等製成 鹹香十足 最後要多個蟹肉炒麵雖然已經好飽，但係個面炒得好靚 又夠乾身 香味十足 忍唔住係咁食 飲品分別叫咗港式奶茶同埋鹹檸梳打冰凍十足 同啲熱嘢食一齊食好正！最後仲送咗兩碗番薯糖水 薑味十足好正啊❤️❤️呢間餐廳質素相當不錯，地方夠大又有私隱度 下次再去食其他嘢！