喜來稀肉 (金巴利道)

营业中

休息中

之前已經有食過喜來稀肉，依間燒肉店係我最喜愛既食店之一，間唔中都會同朋友黎依度食燒肉，今次亦都唔例外。我鍾意依間燒肉店既主要原因除左食物之外，就係環境，因為環境好似置身於韓國咁，仲可以一邊聽住韓國歌，一邊飲燒酒，人生一大樂事。坐低之後，侍應會倒d蛋漿係爐邊，一邊放左泡菜加蛋漿，而另一邊就淨蛋漿，等到啱啱熟既時候食，蛋又嫩又滑，而且仲有好香濃既蛋味，送白飯一流！豬頸肉：豬頸肉用左黑椒調味，味道醃得入味，而肉質鮮嫩爽口, 再包生菜黎食，清新可口。牛五花：我最喜愛的牛五花，每次黎到都係必叫的。牛五花脂肪比例非常均勻，放到爐上面燒，側面既脂肪會慢慢溶化，等到剛剛熟既時候夾起，肉質好軟熟，入口即溶。味道方面，牛肉醃得非常入味，而且牛味濃郁，正！韓式拉麵：入面既材料分別有青口同鮮蝦，材料好鮮甜爽口，另拉麵既麵質好煙靭，湯底就辣辣地，成個拉麵食完好醒晨！