圓貝 (MOKO新世紀廣場)

营业中

休息中

乳糖不耐症福音，好小茶飲店會提供植物奶，而「圓貝」純素茶飲店，全自家製每天新鮮製造植物奶，而糖分亦使用天然甜味劑取代高果糖玉米糖漿，飲完0負擔。仙芋抹苿沁香茉莉奶茶使用燕麥奶腰果奶調配而成，而最上層用上抹茶米蓋，米蓋口感濃稠，比起芝士奶蓋，飲完唔會有種濟的感覺，而底下配料有芋泥、仙草、紅豆，每飲一啖都會飲到配料，口感層次豐富，整杯味道抹茶味相當濃郁。啡常可仁用上濃縮咖啡配上黃金燕麥奶，再加上純素朱古力，上層用上京都焙茶米蓋非常厚實，有培茶香，苦中帶甘，整杯口感入口順滑。純素小吃紐約辣芝士素批即叫即焗，素批外層香脆，內餡用上辣芝士，配上西班牙莎莎醬，醬料酸酸地，食落幾開胃。抹茶海鹽麻糬曲奇英倫伯爵麻糬曲奇兩款味道都相當突出，曲奇鬆軟，搭配煙煙韌韌既麻糬，雙重口感完美搭配，又唔會過甜。