謝謝儂 (淘大商場) (已結業)

到淘大搜羅物資經過呢間上海菜，腦海也萌起吃小籠包之念頭。內在環境寬躺，大部分是梳化位。睇睇menu，好多菜式想試奈何倆口子只能略點數款。三小拼 人少但想試下D特色涼伴小吃？有個拼盤選擇內含小排骨、烤麩、肴肉三款，幾適合我地倆口子點，咁就每樣少少地吃多點滋味。鎮江小排骨一口小排骨鮮嫩且肉脂平衡，經鎮江醋煮過添上一叢酸酸甜甜的味覺感，咬下去剛好骨肉分離。四喜烤麩麵筋落鑊全吸收爆香後既調味佐料，口感軟軟綿綿有張力，端起時烤麩的氣孔呈打開狀態，輕嚼時會擠壓出濃稠醬汁香，甜咸鮮一次過出晒黎。肴肉晶瑩如啫喱般狀既透亮肴肉凍外層，把紅粉菲菲既豬手肉牢牢地抓緊在其中。夾起整件感覺帶點彈性，沾點少許鎮江醋一啖入口，肉質來得清爽微酸而不腻。松子大黃魚造型活生動感既大黃魚，昂首地追噬著小蝦碌。整條魚身入鍋炸到乾身酥脆，薄薄的炸漿 外皮之下是嫰白滑溜的魚肉。淋上色澤金黄既酸甜醬汁，加入大量洋蔥、菠蘿、甜椒、果肉等配料佐味非常醒胃，當然還有松子啦。謝謝儂小籠包 外皮厚薄適中有韌力，唔會一夾就穿。沾上醋汁，一啖入口爆出肉汁又唔會覺得油膩。