濟州燒肉食堂

营业中

休息中

💡九龍灣高質韓燒之前黎九龍灣食過呢間韓燒一直念念不忘，高cp值而且好好食，店員亦都會好熱情咁幫手燒，所以今次嚟到九龍灣再次黎到呢一間韓燒餐廳。🍽 前菜 🍽 爐邊料理 前菜加$40 就可以無限添加，有泡菜、芽菜、甜酸蘿蔔等等，都幾開胃的。而爐邊可以加芝士粟米同埋泡菜蛋，芝士仲可以拉絲，好重芝士味。🍽 一級五花肉🐷五花肉有足足兩大條，十分之厚身，店員教我哋燒好之後點上特有既韓式wasabi， 味道十分之夾，食落好juicy。🍽 仁川鰻魚 🐟呢個鰻魚亦都係分量十足，燒嘅時間需要長少少需要多d技巧，所以都係靠店員幫我哋燒啦，燒到咁上下會好明顯見到變到金黃色，再點上特製嘅鰻魚汁，輕輕再燒幾秒鐘，醬汁增添左鰻魚香係香脆既外皮，皮脆肉嫩，十分惹味。🍽 食堂牛肉盛合 🐂和牛五花肉、安格斯牛外群肉、厚切牛舌、牛小排、牛胸爽肉， 啖啖肉，各有特色，個人最愛牛舌，咬感與味道並重。🍽 大醬湯 🥣味道濃郁，好多材料喺入面，而且配上白飯可以湯飯咁食，真係唔錯。🍽 黑米冷麵(湯) 🍜食咗咁多肉，配一個冷麵可以舒緩一下油膩感，配有青瓜絲清脆嘅口感配上冰冷嘅麵真係幾好。