影片
更多
2022-10-12
2209 浏览
今日去開九龍區順便去埋九龍灣搵朋友，諗唔到夜晚食咩好所以就揀左牛角食，朋友係金卡會員所以遙距攞飛好快就有位，今日揀左個會員限定既二人前套餐，都幾多野食，超滿足😍會員限定二人前套餐 (銀卡$620; 金卡$586)🥗前菜及沙律明太子櫻花蝦豆腐豆腐豆味濃郁又嫩滑，上面加左明太子沙律醬好開胃，加埋櫻花蝦既香味好正🥰田園三文魚蛋沙律沙律份量都好多，中間係三文魚肉加雞蛋整成既沙律球，配埋爽脆既沙律菜、番茄同紫菜又幾夾喎👍🏻🐄燒肉盛合呢個燒肉盛合有齊哂最好食嗰幾款牛，可以揀原味/燒肉汁/鹽醬做調味，有日本九州極上黑毛和牛牛肋肉、美國SRF安格斯和牛牛板腱配蘿蔔蓉柚子醋、美國上級牛頸脊、牛舌同雞腿肉，牛舌薄切所以燒一陣就食得，上級牛頸脊油花分佈平均，牛味香濃，牛板腱大大塊，蘸上柚子醋中和返油脂，口感清新，黑毛和牛牛肋肉就留到最後先食，油份最重，入口即溶🍄四品野菌盛合食完咁好食既牛肉要食啲菜平衡返，呢個餐已經包左一個四品野菌盛合，有金菇、雞脾菇、本菇同鮮冬菇，店員會額外比個錫紙兜，入面有舊牛油比我地放本菇同金菇落去，成個錫紙兜拎去燒，又幾好食喎😚🦐海鮮海鮮方面就有鹽味北海道帆立貝同車海老，一人一隻唔洗
今日去開九龍區順便去埋九龍灣搵朋友，諗唔到夜晚食咩好所以就揀左牛角食，朋友係金卡會員所以遙距攞飛好快就有位，今日揀左個會員限定既二人前套餐，都幾多野食，超滿足😍
會員限定二人前套餐 (銀卡$620; 金卡$586)
🥗前菜及沙律
明太子櫻花蝦豆腐
豆腐豆味濃郁又嫩滑，上面加左明太子沙律醬好開胃，加埋櫻花蝦既香味好正🥰
田園三文魚蛋沙律
沙律份量都好多，中間係三文魚肉加雞蛋整成既沙律球，配埋爽脆既沙律菜、番茄同紫菜又幾夾喎👍🏻
🐄燒肉盛合
呢個燒肉盛合有齊哂最好食嗰幾款牛，可以揀原味/燒肉汁/鹽醬做調味，有日本九州極上黑毛和牛牛肋肉、美國SRF安格斯和牛牛板腱配蘿蔔蓉柚子醋、美國上級牛頸脊、牛舌同雞腿肉，牛舌薄切所以燒一陣就食得，上級牛頸脊油花分佈平均，牛味香濃，牛板腱大大塊，蘸上柚子醋中和返油脂，口感清新，黑毛和牛牛肋肉就留到最後先食，油份最重，入口即溶
🍄四品野菌盛合
食完咁好食既牛肉要食啲菜平衡返，呢個餐已經包左一個四品野菌盛合，有金菇、雞脾菇、本菇同鮮冬菇，店員會額外比個錫紙兜，入面有舊牛油比我地放本菇同金菇落去，成個錫紙兜拎去燒，又幾好食喎😚
🦐海鮮
海鮮方面就有鹽味北海道帆立貝同車海老，一人一隻唔洗爭，北海道帆立貝好厚肉，肉質鮮甜彈牙，車海老都大隻既，但帆立貝會較為好食😋
🍚香蔥溫泉玉子飯
套餐包埋兩碗飯，我地就揀左香蔥溫泉玉子飯，將蛋黃撈埋紫菜同飯一齊食，真係好正😍
🍹牛角特飲 ($26) & 🍻Asahi生啤 ($48)
我地另外叫左兩杯飲品，我就叫左牛角特飲 (紅石榴青蘋果橙活乳酸梳打)，漸層做得好靚，飲落酸酸甜甜又幾開胃，朋友就叫左Asahi生啤，都幾大杯
张贴
