大渣哥茶記 (已結業)

時常流連九龍灣一定認識大渣哥，不過由於公司遠離果頭，未能好好食多幾款名菜，是日趁收早又黎會一會下午茶時段先。黑牛黑麵，沙嗲界中既XO，沙嗲醬夠濃郁，甜鹹辣香取得平衡，麵質唔太淋，牛肉都唔會韌掛到汁，唔怪得成日好早賣晒。丹麥多士烘到金黃色，食落仲暖身。魚柳沙律算係無乜難度既菜式，魚柳最緊要外皮炸得夠脆，沙律有新鮮既青瓜、蘋果同埋粟米撈落雜果，夠晒層次。最特別係有唂咕飲，其實係熱朱古力走奶走甜版本，試到可可既甘味，幾有趣。食物乜都唔錯，係平番少少就好了。