亞萊泰 (淘大商場3期) (已結業)

淘大呢間泰菜原來都幾大間座位都尚算坐得唔錯而且仲免收加一，真係好少地方唔收加一。叫咗豬手，大大碟，個味有泰式風味，醬汁夠濃郁唔辣。豬手夠林，最鍾意食個豬手皮。不過食多咗就會有少少濃味。叫咗一份串燒，個人就覺得雞比較好食。仲有沙嗲醬。叫咗酸梅烏頭，烏頭大大條，份量好多，但係酸梅味唔出，配有好多唔同泰式香料。最鍾意食個炒河，炒河唔會好油膩，而且味道剛剛好，牛肉夠滑，份量又夠多，呢個我覺得值得叫。蒜蓉包蒜蓉味幾香，硬左啲啲但都不錯。炒咗個椰菜苗夠爽甜。