台灣館 (已結業)

好耐冇去九龍灣食飯，發現依家d商場開多咗好多餐廳。今日經開地鐵站附近嘅「得寶商場」，見到有間食台灣菜嘅「台灣館」，午市套餐都幾抵，所以就入去試吓。滷肉飯、鹽酥雞、排骨麵⋯⋯餐牌上有各種傳統台灣料理。我點咗碗招牌台灣牛肉刀削麵同一杯綠茶拿鐵珍珠奶茶。牛肉麵幾大碗，肉塊數量多，刀削麵份量亦唔少，仲有幾舊紅蘿蔔，食曬好飽。至於珍珠奶茶，除咗原味，仲有香芋、朱古力、草莓、胚芽等，幾特別。今次呢杯綠茶拿鐵口味無伏，有興趣可以跟餐加點，比散嗌平一半有多。