French Lab (已結業)

放假約左朋友食Lunch，搵到一間位於九龍灣工廈既法國菜。焗龍蝦青口幼蛋麵半隻芝士龍蝦焗至金黃色，肉質好彈牙，同埋幾鐘意個幼蛋麵，麵條好掛汁，又突出到果陣蛋香，幾值得一試。油封鴨髀太陽蛋配黑松露意大利飯加左太陽蛋既risotto增添了一點港式風味，意大利飯好creamy，黑松露既味道好濃郁，撈埋流心既蛋黃一齊食，味道更加豐富。油封鴨脾外層則相當香脆，肉質亦好軟腍。Mocha奶味偏濃，帶有可可香氣。Piccolo Latte比想像中大杯既Piccolo，但飲到想要既味道。咖啡濃度高得嚟又不失奶既幼滑口感。