影片
更多
2022-05-27
47 浏览
之前都有食過呢間台灣館嘅午市套餐，食物就麻麻哋啦。之後夜晚都食過佢哋呢個烤魚雞煲套餐，發覺佢哋做呢啲烤魚雞煲小炒係好食過台灣嘢食好多！所以嚟到台灣館食四川嘢就啱㗎啦🫣四人套餐 $398 免收加一 配四個飯，四個嘢飲，四個甜品。🍴 麻辣牛展，麻辣豬耳 (8.5/10)牛展豬耳嘅份量好多，牛展肉質比較紮實，有牛肉嘅味道，好香口辣辣地幾好食，豬耳軟骨爽口得來個皮又夠淋，辣辣地真係好開胃！🍴 鹽酥雞軟骨 (7/10)即叫即炸，非常香脆，鹽酥味道啱啱好，鹹香幾香口！份量都幾多！🍴鳳梨酸甜肉 (8.5/10)冇諗過呢個酸甜肉咁好食，個肉炸過，外脆內軟，肉質比較爽口彈牙，炸得一啲都唔乾，酸酸甜甜好開胃，加埋洋蔥菠蘿真係好香口好食！🍴上湯浸娃娃菜 (7/10)上湯都幾香濃，娃娃菜煮到好淋，好吸湯，清淡得來都幾好食。🍴麻辣烤魚 (7/10)烤魚睇落好大條，但啲肉唔算好多，配料有豆卜，豆芽，木耳，海帶，萵筍，都算幾豐富。個魚嘅肉質比較淋，冇乜彈性，亦都冇乜魚味，就麻麻哋啦，係靠個麻辣汁提味！小辣唔辣，啱啱好到微辣嘅程度，食到辣味同埋麻香，呢個價錢都叫OK ！🍴麻辣雞煲半隻 小辣 $148 (7.5/10)
四人套餐 $398 免收加一 配四個飯，四個嘢飲，四個甜品。
🍴 麻辣牛展，麻辣豬耳 (8.5/10)
牛展豬耳嘅份量好多，牛展肉質比較紮實，有牛肉嘅味道，好香口辣辣地幾好食，豬耳軟骨爽口得來個皮又夠淋，辣辣地真係好開胃！
🍴 鹽酥雞軟骨 (7/10)
即叫即炸，非常香脆，鹽酥味道啱啱好，鹹香幾香口！份量都幾多！
🍴鳳梨酸甜肉 (8.5/10)
冇諗過呢個酸甜肉咁好食，個肉炸過，外脆內軟，肉質比較爽口彈牙，炸得一啲都唔乾，酸酸甜甜好開胃，加埋洋蔥菠蘿真係好香口好食！
🍴上湯浸娃娃菜 (7/10)
上湯都幾香濃，娃娃菜煮到好淋，好吸湯，清淡得來都幾好食。
🍴麻辣烤魚 (7/10)
烤魚睇落好大條，但啲肉唔算好多，配料有豆卜，豆芽，木耳，海帶，萵筍，都算幾豐富。個魚嘅肉質比較淋，冇乜彈性，亦都冇乜魚味，就麻麻哋啦，係靠個麻辣汁提味！小辣唔辣，啱啱好到微辣嘅程度，食到辣味同埋麻香，呢個價錢都叫OK ！
🍴麻辣雞煲半隻 小辣 $148 (7.5/10)
雞煲係另外叫嘅，配料洋蔥唐芹都好多，雞炒到好香口，有酒味，係香辣嘅味道唔會太辣，香辣得嚟鹹鹹地，雞嘅肉質唔會太乾身，又唔會太油膩，唔錯的！
🍴台式飲品 +$14 (6/10)
正常偏甜，可以叫少甜嘅，覺得比較重奶精味，不過大大杯珍珠夠多都叫做抵飲。
🍴甜品 (5/10)
係四粒細細粒嘅泡芙，冇影到相，普普通通雪櫃拎出嚟嗰啲，甜得來又冇乜cream，麻麻哋不過叫做有甜品啦😂
推薦指數: 8/10
真心四個人$398又唔使+1嘅話真係好抵食，菜嘅款式多，味道都唔錯，四個人食連埋飯連埋嘢飲真係大滿足㗎！
张贴
