影片
更多
2022-08-21
18 浏览
哩間Omakase位於九龍城，於宋皇臺站行幾分鐘就到。餐廳門口低調簡約，門是長關的，私隱度甚高。由於一早訂咗位嘅關係，去到就已經見到有兩個位用咗日本花紙摺成的船仔寫住我哋嘅名，頓時覺得好窩心好可愛☺️而且餐廳仲準備咗佢哋自家製嘅皮革口罩套，實用得來仲可以作為紀念品餐廳晚市主要提供兩種價錢的Omakase , 分別為$1680同$1380/per head。而我就揀咗$1380，包括先付、刺身5品、季節料理、蒸物、寿司6貫，卷物、江戶前玉子、吸物同甜點🥢巴西葉海膽豆乳海膽嘅鮮甜一嚟就喚醒左我嘅味蕾，成個豆乳非常幼滑，畫龍點睛係佢加咗巴西葉既香，整個海膽配豆乳非常match🥢松葉蟹刺身 底層係手拆蟹肉，蟹肉纖細、極之鮮味，上層則鋪有用土佐醋凝固而成既啫喱，小小醋的調味更帶起肉質嘅鮮甜，加上咁可愛嘅蟹蓋造型，更添特色🥢白海松貝配山葵漬海葡萄 白海松貝其實係日本大象拔蚌，以檸檬作底加添鮮味，記得要慢慢咀嚼，鮮味會慢慢滲出來，食完可以話係齒頰留香🥢清酒煮鮑魚配魚子醬上碟嘅造型十分高貴，鮑魚嘅靭度煮的剛剛好，配有少少清酒味幾清新，重點係魚子醬鹹鹹地配清新嘅鮑魚味道好夾🥢本鰹魚配炸乾蒜本鰹魚魚肉厚身軟
由於一早訂咗位嘅關係，去到就已經見到有兩個位用咗日本花紙摺成的船仔寫住我哋嘅名，頓時覺得好窩心好可愛☺️而且餐廳仲準備咗佢哋自家製嘅皮革口罩套，實用得來仲可以作為紀念品
餐廳晚市主要提供兩種價錢的Omakase , 分別為$1680同$1380/per head。而我就揀咗$1380，包括先付、刺身5品、季節料理、蒸物、寿司6貫，卷物、江戶前玉子、吸物同甜點
🥢巴西葉海膽豆乳
海膽嘅鮮甜一嚟就喚醒左我嘅味蕾，成個豆乳非常幼滑，畫龍點睛係佢加咗巴西葉既香，整個海膽配豆乳非常match
🥢松葉蟹刺身
底層係手拆蟹肉，蟹肉纖細、極之鮮味，上層則鋪有用土佐醋凝固而成既啫喱，小小醋的調味更帶起肉質嘅鮮甜，加上咁可愛嘅蟹蓋造型，更添特色
🥢白海松貝配山葵漬海葡萄
白海松貝其實係日本大象拔蚌，以檸檬作底加添鮮味，記得要慢慢咀嚼，鮮味會慢慢滲出來，食完可以話係齒頰留香
🥢清酒煮鮑魚配魚子醬
上碟嘅造型十分高貴，鮑魚嘅靭度煮的剛剛好，配有少少清酒味幾清新，重點係魚子醬鹹鹹地配清新嘅鮑魚味道好夾
🥢本鰹魚配炸乾蒜
本鰹魚魚肉厚身軟滑，配上芽蔥炸乾蒜等配菜一齊食，剛好中和魚嘅腥味，可集中欣賞肉質嘅魚香
🥢O-Toro
分咗上下兩層醬汁 ，先食上層芥末籽 ，再食下層山葵漬拖羅。特色之處係佢地切起時係連下層皮下脂方，而燒一燒令其魚油更香，食完喺口裏留存嘅魚油香 好令人回味。而值得講講嘅係otoro係吞拿魚最靚嘅腹部位置，肉身呈柔美粉色，見到既清晰白色線條就係佢美味的油脂線
🥢炸金雕魚配金橘蜂蜜芥末籽醬汁
金雕魚外皮炸得好香脆，但仍然保留到魚皮嘅質感，咬落熱辣辣而肉質仍然嫩滑。最欣賞佢嘅醬汁用左金橘蜂蜜芥末籽調製而成，甜甜地同個魚一齊食好好味😋
跟住到寿司6貫（相：左至右 上至下排列）
🍣吸口魚
魚味鮮甜，皮薄柔嫩
🍣時不知鮭魚
鮭魚係三文魚嘅近親，而被命名為時不知係因為佢唔識分時間🤣佢源於俄羅斯，但洄游時游經北海道時意外地被日本人捕獲。所以品種比較稀有而矜貴，肉質細嫩，伴隨著淡淡油脂香氣
🍣平目魚
放有牙蔥係裡面，牙蔥係蔥既bb，蔥味特別清脆清新，而魚肉肉質爽脆可口
🍣黑目魚
用上三星漬 入口香香，魚韻清香
🍣赤身
配用了醬油漬及芥末醬，雖然赤身嘅脂肪不及拖羅，但佢既肉色非常紅潤有光澤，肉身特別柔滑
🍣赤龍魚
配辣麵豉醬 加了煙燻效果 油份較重 屬於比較濃味
🥢龍蝦汁松葉蟹魚翅蒸蛋
用料上乘，可謂啖啖魚翅，恍如貴族般嘅享受
🥢北海道海膽
有別於一般食到嘅馬糞海膽，來自北海道嘅根室海膽味道會比較清新，入口即溶
🥢江戶前玉子
口感恍如食緊好香雞蛋味嘅蛋糕一樣，真係好考廚師嘅工藝
🥢鯛魚松茸白湯
魚湯清澈呈奶白色，鯛魚熬製咗咁耐仍然非常鮮甜，好好飲
🥢靜岡蜜瓜 香印提子
食埋呢個日本靜岡密瓜同香印提子簡直係完美嘅結束，飽腹感剛剛好 完美
另外好想讚一讚餐廳嘅服務是超水準的體貼：1）一開始我坐既位覺得冷氣有啲凍，我未開聲侍應已經留意到，主動上嚟問要唔要幫我較細啲個冷氣
2）上菜嘅節奏好好，侍應同師傅會留意你食嘅速度，配合上菜同收碟時間。仲時不時留意你啲茶飲晒未，主動即刻幫你加
3）師傅同侍應超Nice，好細心介紹每道菜嘅特色、食法，當我哋想知多啲嘅時候，仲會耐心咁講多d食材嘅來源同烹調特式。真係既享受又長知識的一餐！
张贴
