渝薌烤魚 (已結業)

最近放假去九龍城食Lunch除咗泰國菜出名之外，仲有一間重慶烤魚都好多人推介🐟今日特登試吓～店舖裝修古色古香，帶有四川重慶風格午市有烤魚二人餐🐟 $278都幾抵食半條烤魚勁厚肉，上面佈滿香蔥，魚肉嫩滑啖啖肉一上枱就聞到撲鼻而來嘅香味配料有豆卜，另自選牛丸一份配菜都吸晒湯汁嘅香味，好好味～套餐附送前菜 海蜇皮蛋海蜇爽口彈牙 加麻油好開胃～☺️呢度出名仲有魚湯米線魚湯真材實料🐟冇味精口感濃厚，魚味新鮮濃郁，唔會有腥味叫咗鮮豬膶魚湯泡飯加肉碎珍珠米吸收晒魚湯精華，啖啖都係魚湯同肉碎 好入味👍🏻另外試咗幾串重慶燒烤串燒有雞軟骨串、豬頸肉串、羊肉、牛肉、貢丸串、墨魚串撒上孜然粉🤤特別惹味！