清真牛肉館 (打鼓嶺道)

营业中

休息中

上次外賣試過佢嘅牛肉餅覺得幾好食所以今次去堂食試埋其他菜式好冇味😂大約6點9到唔洗等位就可以入得嗌咗牛肉餅，羊肉小籠包，咖喱牛腩，蔥油餅同賽螃蟹。佢每樣份量唔算多，兩個人食晒大約6-7成飽。牛肉餅同之前一樣都係超爆汁，亦都好足料😬個餅皮燒到少少焦香脆口，值得一試。羊肉小籠包皮唔算好薄不過個肉餡好大舊🤣食落個比例唔係好平衡🫣咖喱牛腩係我覺得最好食之一，炆得好腍喺好入味亦都唔會覺得辣👍🏻配白飯非常好蔥油餅就普普通通，略嫌有啲太乾同厚🫣賽螃蟹我都覺得係出色嘅，入邊有足料嘅帶子粒，加埋蛋黃撈埋好滑，啱晒配今餐啲濃味嘅嘢🤣