三和敘

营业中

休息中

今日去咗九龍城同老婆食日本菜，成日都係九龍城打邊爐同埋食泰國菜其實呢度嘅日本菜都唔錯。今日去到一間日本餐廳有三個唔同嘅餐牌分別有三大菜式壽司、鐵板燒、爐端燒。同一間餐廳可以食晒三款唔同嘅日式料理。嘢食嘅款式非常之多，如果你有選擇困難嘅建議你只係是三款嘢食嘅其中一款。今日主力食爐端燒，食物全部都係用備長碳去燒比起用普通電爐去燒更為美味。頭盤我哋食咗蟹味噌沙律同吞拿魚蔥花小卷。味噌加了蟹汁令到沙律非常好味唔會太咸。串燒我同老婆揀咗日本燒黑豚肉五花腩配柚子胡椒醬、牛舌、日本阿波美雞翼。燒黑豚肉最好味尤其加了自家製柚子醬，小小嘅辣味令串燒更惹味。最後再叫咗一個黑豚肉薄煎及野菜烏冬。黑豚肉夾住蔥花同埋姜，吸收左兩樣配料嘅味道提升左口感。旁邊仲有英國海鹽同埋海鹽昆布，加埋一齊食味道更濃郁。