金蘭花泰國菜館

营业中

休息中

好耐冇食泰國菜啦，放工後過左去九龍城呢間金蘭花泰國菜館食晚飯！由旺角搭小巴或巴士都幾方便。餐廳裝修簡約夠地道，餐牌選擇都幾豐富架，仲圖文並茂，夠晒貼心！同朋友隨便點左以下幾項食物試試泰式鳳爪酸酸辣辣嘅醬汁配鳳爪，開胃又好味，作為餐前小吃就啱晒鮮蝦冬陰公湯冬天凍冰冰就梗係要飲返碗熱湯，所以就點左呢個鮮蝦冬陰公湯！鮮蝦都幾爽口彈牙，冬陰公湯都係酸酸辣辣的，好暖身馬拉盞炒通菜通菜碧綠鮮嫩，馬拉盞份量都幾多，所以食落好鹹香又香口，仲好有鑊氣添，好味道香脆豬手豬手外皮燒得香脆，內裏啖啖肉，充滿豬肉香，建議搭配酸甜汁一齊食減低油膩感！同埋呢道菜適合多人開心share食泰式燒豬頸肉大大塊厚切豬頸肉，份量勁多！廚師將肉燒得剛剛好，軟腍富肉脂香，送飯食一流呀！