龍泉冰室 (已結業)

去九龍城行咗半日，終於買完野，又攰又餓又落雨，簡簡單單搵間餐廳醫下肚先。今日最緊要快靚正，終是揀咗呢間龍泉冰室。餐廳裝潢簡潔，大階磚嘅地下，天花裝有大風扇，帶點懷舊氣息。地方寛敞不擠迫，坐得舒服嘅。見佢有小菜套餐供應，有餸有飯有例湯，又有野飲，都只係幾十蚊，價錢認真經濟實惠，真係街坊價。決定要一個《薑蔥魚腩》，魚腩大大件，啖啖肉，加埋薑片蔥段炒，食到家的味道。《咖哩牛腩》阿仔要食，咖哩味又不錯，牛腩吾靭，份量不少。撈埋咖哩汁，可以食多碗飯。整多個烚菜心，飲埋個例湯，真係簡單三餸一湯，白飯又香。