影片
更多
2017-05-03
3278 浏览
本身朋友想去九龍城食泰國菜，但大家都想試下其他野，最後就揀左呢間越南菜。經過時候見白色外牆同餐廳內既燈光，以為係西餐最後睇多次個招牌先確定佢係越南餐。係晚餐七八點果啲時間，店內坐滿人，所以都要等下，好彩岩岩有人走所以只係等左幾分鐘。裝潢幾靚但價格都幾平民喎!!一碗粉麵餐四五十蚊連飲品，見大部份人都係咁叫，再加多一兩碟菜或者小食，每人都唔洗一百蚊。無論食越南野定泰國野，都中意一開頭跟過沙律，因為相比起西式既沙律，佢地唔係就咁用菜，用木瓜絲等等加埋酸酸辣辣既汁，開胃也！！呢個木瓜絲份量多，而佢個酸辣度比較低，反而偏甜，所以我呢個唔太食得辣既人幾滿意！花生好碎唔係粗粒～鮮蝦米紙捲 米紙捲係我必點架！喜歡越式春捲皮既黏韌度，呢到一碟切左6小件，幾岩一齊分享！入面有常見既檬粉，蔬菜絲，算新鮮。配料較普通，蝦肉幾爽，反而覺得最特別係個醬，濃味得黎帶甜，係街無食過呢種味道，問返店員先知呢到既醬都係自家製。香茅豬扒配湯河其實我係撈檬既fans，但因為見到呢個餐牌介紹所以好難得咁叫左湯河黎試佢個味道！香茅豬扒烤得香就梗係唔想比湯浸住，所以要求左另上。香茅豬扒表面烤得香，有少量脆邊，相比起有啲重口味啲既赿
裝潢幾靚但價格都幾平民喎!!一碗粉麵餐四五十蚊連飲品，見大部份人都係咁叫，再加多一兩碟菜或者小食，每人都唔洗一百蚊。
無論食越南野定泰國野，都中意一開頭跟過沙律，因為相比起西式既沙律，佢地唔係就咁用菜，用木瓜絲等等加埋酸酸辣辣既汁，開胃也！！呢個木瓜絲份量多，而佢個酸辣度比較低，反而偏甜，所以我呢個唔太食得辣既人幾滿意！花生好碎唔係粗粒～
鮮蝦米紙捲
米紙捲係我必點架！喜歡越式春捲皮既黏韌度，呢到一碟切左6小件，幾岩一齊分享！入面有常見既檬粉，蔬菜絲，算新鮮。配料較普通，蝦肉幾爽，反而覺得最特別係個醬，濃味得黎帶甜，係街無食過呢種味道，問返店員先知呢到既醬都係自家製。
香茅豬扒配湯河
其實我係撈檬既fans，但因為見到呢個餐牌介紹所以好難得咁叫左湯河黎試佢個味道！
香茅豬扒烤得香就梗係唔想比湯浸住，所以要求左另上。香茅豬扒表面烤得香，有少量脆邊，相比起有啲重口味啲既赿南餐廳，呢到算無咁熱氣，而且味道亦唔太濃烈，香茅味如果可以更突出就好喇！不過肉質都偏實在中有咬口，唔會好韌，切成條狀方便食
至於湯本身期望好濃味，但飲落較淡，反而有啲雞味，所以問下店員，原來係生牛河先會自動配牛湯所以我地果個係自動跟雞湯...無緣試牛湯其實除左牛湯仲有蕃茄濃湯揀，都係幾特別之選，唯有留返下次食啦
珍多冰
椰奶味充足，冰多左少少～
下次經過九龍城想平平地食個粉，再黎呢到！
张贴
