新越越式料理 (已搬遷) 新店位置

九龍城往往俾人感覺食飯大多都係食泰國菜，而今次同朋友就唔去食泰國菜，就試下去食新野新越越式料理。餐牌內都有多款越式料理選擇。芝士蝦丸以小食嚟講真係好抵食，蝦丸大大粒之外亦好爽口，內裡就有流心芝士相當驚喜。酸辣無骨鳳爪沙律凍凍既鳳爪已經去埋骨可以好方便咁食，當中亦加左丁點酸辣汁非常開胃好食，唔錯。雞絲撈檬撈檬有大粒雞絲好似唔駛錢咁，而食果陣就要自己加個酸辣汁，食起上嚟好似酸啲非常醒胃。馬拉盞炒通菜食左咁多野，當然唔小得叫個菜食啦，馬拉盞炒通菜個馬拉盞好惹味但唔會過咸。