富寶會所私房菜

营业中

休息中

今日朋友帶咗我去九龍城覓食，去咗富寶會所私房菜食晚飯，餐廳環境好光鮮亮麗，最重要係有提供麻雀檯，同朋友耍樂完全冇問題！而且餐廳仲有塊大型屏幕，店員話預早講聲，可以自訂語句展示係上面，好啱慶祝活動用呀，打卡一流！當然食材都好重要，想食海鮮最好提前預訂，等餐廳可以提早準備，今次叫咗幾款菜式，食物都非常高質，好滿意啊！蒜香安格斯牛柳粒牛柳粒入口嫩滑軟腍，富有濃郁牛香，加入爆到好香脆嘅蒜粒，蒜香突出又惹味，風味十足竹笙海皇翅好足料嘅竹苼海皇翅，湯底清甜爽口，鮮味滲入湯底當中，啖啖都食到料，口感豐富，味道鮮味十足菜膽上湯雞雞件份量勁多，斬到大小適中，肉質又夠嫩滑，高湯燉出雞嘅精華，菜都索盡湯汁，味道鮮美