泰象館

朋友成日推介土瓜灣呢間泰國餐廳，話抵食又好味，今日終於同朋友去試～我哋叫咗冬陰功、南瓜燴海鮮飯同明爐青檸蒸烏頭魚🍋

首先個冬陰功湯一上枱已經聞到好香濃嘅香料味，飲落酸辣度平衡得啱啱好，仲有幾隻大蝦夠晒鮮甜🦐

菜色特別推薦：明爐青檸蒸烏頭魚！魚肉蒸得剛剛好，一啲都唔嚡口，青檸同香茅嘅清新完全滲入魚肉裡面，好開胃😋

個南瓜燴海鮮飯都幾有驚喜，南瓜蓉煮得滑溜溜，撈埋啲飯食好舒服，裡面仲有唔少魷魚同青口。三樣餸加埋都係三百幾蚊，以依家嘅價錢真係算好抵食。個烏頭魚真心正！🐟用明爐上，熱辣辣，魚肉超滑，青檸同辣椒酸辣味好開胃😍

溫馨提示：夜晚好爆場，要提早訂座🤔