鱷魚泰國餐廳 (已結業)

突然間好想食泰國菜，就選擇嚟咗九龍城搵一間正宗泰國菜餐廳食晚飯。門口好易認，見到有條鱷魚招牌就啱啦。鋪頭細細但係菜式非常多嘅選擇。頭盤叫左一碟生蝦醫下個胃先，好新鮮食囉好彈牙，再點埋佢嘅醬汁辣辣地超級開胃。蝦餅真係冇得頂，超級誠意推介，分量又多，感覺完全入邊全部都係蝦肉嚟嘅，冇麵粉。叫咗一份串燒，有豬牛雞，份量都唔少，大大嚿肉，一碟有六串，即叫即做非常熱辣辣惹味。泰式炒飯，佢有幾種海鮮俾你選擇放落個飯入邊，有蝦，鮮魷，蟹肉，而我就鍾意食蝦多一點，所以就配鮮蝦，味道香濃。最後叫咗一杯椰汁沙冰，啱晒夏天飲，沙冰唔算多但足夠冰凍。