影片
更多
2008-03-07
17 浏览
短期內有得0係九龍城食lunch 的最後一個weekday, 今日試試呢間門口望落好似好日本feel 的日本店. 一個人12:20pm 入到去, 入座率不足40%, 阿姐竟然指揮(無錯, 係「指揮」,「權威」度拍得住音樂家朋友A!) 我搭檯到已坐了一男一女的4 人檯. 當然, 呢度唔係乜0野高級餐廳, 有需要的話我唔會介意搭檯, 不過隔0黎其實成排檯都無人坐0架喎! 夾硬要客人迫埋一堆0既安排真係令人費解lak!拎起menu 左睇右睇, 叫了個招牌海鮮燒餅, 加個「店長推介」的燒牛舌沙律.先0黎牛舌沙律, 賣相真係不敢恭維... 牛舌切成絲, 車厘茄/ 生菜/ 青瓜絲/ 粟米/ 紫菜絲乜都有d, dressing 係麻醬, 加了好多胡椒之餘仲離奇地灑了勁多芝士粉(!?!?), 我睇到啞0左. 另一樣搞笑0既係呢碟沙律serve 時店員係俾一小只鐵匙羹(ie 一般用0黎食雪糕或落糖0個d) 的, 完全食唔到, 最後當然要用筷子-_- 食一啖, 皺晒眉頭-- 蔬菜叫做可以接受, 雖然(罐頭)粟米無乜味, 腍腍的又出出0地水, 車厘茄係幾甜, 但牛舌就鹹得不能接受, 而且好0鞋又好
拎起menu 左睇右睇, 叫了個招牌海鮮燒餅, 加個「店長推介」的燒牛舌沙律.
先0黎牛舌沙律, 賣相真係不敢恭維... 牛舌切成絲, 車厘茄/ 生菜/ 青瓜絲/ 粟米/ 紫菜絲乜都有d, dressing 係麻醬, 加了好多胡椒之餘仲離奇地灑了勁多芝士粉(!?!?), 我睇到啞0左. 另一樣搞笑0既係呢碟沙律serve 時店員係俾一小只鐵匙羹(ie 一般用0黎食雪糕或落糖0個d) 的, 完全食唔到, 最後當然要用筷子-_- 食一啖, 皺晒眉頭-- 蔬菜叫做可以接受, 雖然(罐頭)粟米無乜味, 腍腍的又出出0地水, 車厘茄係幾甜, 但牛舌就鹹得不能接受, 而且好0鞋又好乾, 加埋黐成一團團粉的勁鹹醬汁, 係幾難食. 咁0既質素, 唔知「店長」仲推介0黎做乜0野呢?
海鮮燒餅賣相就好得多, 面頭木魚絲足夠, 燒汁份量適中, 拮落去仲見到唔少魷魚/ 墨魚肉/ 蝦/ 椰菜絲, 意料之外. 餡料多, 粉更多, 質感幾實, 不過好在夠熱, 又有唔少酸薑同幾惹味的mayonnaise, 加加埋埋味道唔差, 至少比幾星期前0係沙田秀吉(詳見我的2008 年2 月2 日食評) 食的「粉團」燒餅好食得多.
環境裝修其實無乜0野, 但因為被「指揮」了搭檯, 無耐仲有兩個八卦到暈的女人坐了0係隔0黎張檯, 結果成餐飯都俾佢0地「評頭品足」(目及)住我食0野, 困擾得想成碟沙律「車」埋去!
埋單$65, 唔貴, 不過喊面係唔俾唔得-- 除0左代表食物麻麻同service 唔好之外, 亦代表我坐0係入面30 分鐘0既心情. 唔會再幫襯, 更唔明笑面何來.
九龍城果然無見得人的日本0野, 以後都係返尖沙咀或銅鑼灣好了.
张贴
