糖佰府 (已結業)

今日午餐無咩食野，搞到3、4點就肚餓，唔想食正餐，所以決定食個甜品先😎行左個圈，比糖佰府門口既甜品相吸引左入去試下🤤4點零鐘人唔多，坐得舒服唔擠逼，食物亦黎得好快唔洗點等👍舖仔細細但款式一d都唔輸蝕除左傳統糖水，亦都有打咭必備既甜品款式重有燒賣魚蛋等小食供應白雪天地$32新鮮既生果、煙un彈牙既丸子、重有香濃既椰汁冰底，好透心涼極度好評既雙丸椰皇紫米（熱）$40其實好少食糖水會揀熱食，但唔知點解係門口已經比佢張相吸引住，試完更加覺得自己眼光一流呢個椰皇入面有紫米、芝麻湯丸、芋圓，用料充足湯丸好好味，芝麻味濃、皮薄餡多；芋圓彈牙有咬感唔粉；紫米香濃、椰味重甜度適中🤤🤤成個配搭都好芒果窩夫配香芋雪糕$40芒果好甜，雪糕幼滑窩夫即叫即整，外脆內鬆軟，口感唔會過實！配埋雪糕一齊入口無得頂超級滿足到口感同味雷既一餐😎相比起其他糖水舖，價錢亦很公道呀！