Enjoy Eat (已結業)

今晚去到九龍城發現了一間開業半年的西餐廳《enjoy eat》,餐廳有沙律、意粉、pizza、意大利飯、甜品等…價錢都算公道，全日沒有加一收費，可能近日都經常食泰菜，今晚想食番一些pasta,店員都好誠意介紹了一些菜式俾我 最後我選擇了意大利火腿黑松菌野菌長通粉($98)，份量都好大碟，真是抵食，長通粉都好爽口彈牙，每口長通粉掛滿菌粒及忌廉汁，啖啖都有滑溜的口感及菌香滿溢，最令我意外是片parma ham,夠鹹味甘香，不過一片就有點晤夠滿足，水準真是不錯!逢星期一至四如果買外賣pizza更可以有8折優惠，向店員查詢，pizza都有10寸大而且薄批，下次來試下食pizza先。