小曼谷海鮮燒烤屋

营业中

休息中

就黎放新年，肯定會食好多中式食物，所以今晚臨放假前就食下泰國菜先。呢次去左九龍城既小曼谷度醫肚。我同朋友都要等左15分鐘先有位。我地叫左叫:☀雞煲翅 $98☀風味燒豬頸肉 $108☀泰式馬拉盞炒通菜 $79☀鮮芒海鮮炒飯 $88☀泰式千層糕 $48☀椰青 $38☀珍多冰 $36☀雞煲翅 $98先黎既係雞煲翅，用料好足！好多翅/雞絲/冬冬菇，味道唔錯。☀風味燒豬頸肉 $108跟住就係豬頸肉，未上枱已經聞到好香既燒肉味。豬頸肉外表燒至微微焦香，同時鎖住肉汁，咬多去外脆內嫩。秘製醬汁略帶微辣，非常惹味開胃。☀泰式馬拉盞炒通菜 $79炒通菜賣相唔錯，顏色翠綠，味道好正宗，通菜惹味，爽脆，而且分量一啲都唔細。☀鮮芒海鮮炒飯 $88炒飯感覺好清新，飯底夠乾身，粒粒分明，有鑊氣，用料十足，肉鬆加埋啲海鮮簡直係一流，唔怪得好多枱都有叫呢個炒飯。☀泰式千層糕 $48至於個甜品，非常香班蘭味，口感煙韌，幾特別。☀椰青 $38椰青非常清甜，我仲食埋佢啲椰青肉，真係食到lam lam脷。☀珍多冰 $36至於個珍多冰，好重椰香味，材料有3種唔同顏色，好似紅綠燈咁，椰味香濃，比較甜，味道都尚算不俗。