友誼泰國菜館

今日同friend去開九龍城，本來又係諗住食開嗰幾間泰國菜㗎啦～點知行過城南道，見到有位姐姐好熱情咁推介，咁就即管信佢一次，入去試下啦！點知真係有驚喜喎！

必食嘅係個「炒金邊粉」，鑊氣夠又唔會太油，酸酸甜甜好開胃！「咸魚炒椰菜苗」香口得嚟又好惹味，菜苗嫩口，好快清碟～「檸檬燒牛肉」係我至愛，酸辣醬汁好惹味，牛肉燒得啱啱好，唔會韌！「咖喱椰汁燴蝦」個汁濃郁，蝦又大隻，點埋「印度薄餅」食，真係無得頂！最後飲埋個冰凍椰青，爽呀！

今次試新嘢完全冇伏，每樣水準都唔錯，服務又nice，下次一定會再嚟！