雲風堂

营业中

休息中

禮拜日禮拜後, 走左去九龍城廣場, 曾被稱為死城既場, 去搵野食。本身想食銀咖哩$24淨咖哩飯, 但又想坐得舒服D, 就走左呢間餐廳試試。去到地方好大, 都擺到廿張枱鬆D, 枱與枱都隔得幾開, 呢點做得幾好, 亦係呢間餐廳惟一做得好既地方。入到去俾姐姐叫我坐埋最近廚房果張枱, 但明明成個場都好空。張枱黐立立, 明顯冇洗過, 午市時間, 竟然冇LUNCH個MENU, 要問姐姐先有。Anyway, 叫左個醬烤脆肉清湯米線, 加香芋珍珠奶茶。上菜, 先講下個香芋珍珠奶茶。香芋珍珠奶茶, 珍珠好多粒但冇味, 亦唔Q彈。最大敗筆係珍珠大粒過飲管, 好難啜到, 大力啜又發出好大既怪聲, 食相極差聲音擾民, 我飲緊都覺得唔好意思, 用眼神同隔離食客曬冧。到主菜醬烤脆肉清湯米線。湯底正常, 冇咩味。米線吸收唔到湯味, 稍嫌淋左少少。醬烤脆肉十足豬頸肉,  食落直頭係水煮豬頸肉, 大佬唔係咁下玩我呀。不過肉既份量夠多, 都食得飽。結論, 後悔。埋單$42, 唔算好貴既, 但各樣環境, 服務態度, 食物質素都令我唔會再回頭。