鎔記潮州飯店

营业中

休息中

今日同朋友約咗喺九龍城，初初諗住都係食泰國野，點知佢介紹話呢間潮州菜館好好食，咁就當然要試吓啦。叫咗幾個菜式。食潮州野唔少得叫涷魚食啦，叫咗楊氏元朗烏頭魚，條魚size都幾大條，仲好多黃色嘅魚油，好肥美，點埋黃豆醬更特出到佢嘅鮮味。滷水拼盤，個份量勁多，滷得非常入味，雖然係滷水，但都唔會太咸，個滷水汁勁香，勁惹味，個拼盤都幾多款嘅料，包括有鵝腸，豬腸，紅腸，墨魚同豬腩肉等等，食到停唔到口。啫啫通菜，上枱時咋咋聲，好夠鑊氣，除咗通菜仲有好多配料，有大大粒嘅蝦米，同肉碎，連埋一齊食非常惹味。