小曼谷泰國美食 (南角道)

营业中

休息中

泰菜都係鐘意食傳統款式多啲，因為正宗泰菜係濃、香、辣。Fusion泰菜有種吾湯吾水嘅感覺。小曼谷食咗好多年，依家總店都翻新咗，同小曼谷燒烤屋一樣。是次食個豐富午餐。首先有鐘意飲嘅冬蔭公湯，佢用原隻大頭蝦一齊煲，下面用火加熱，味道夠酸夠辣，加咗秀珍菇有咬口材料又幾豐富。泰皇咖哩大頭蝦好大碟，共有兩大隻巨型大頭蝦開邊。大頭蝦蝦肉好結實，彈牙爽口。泰皇咖哩加咗雞蛋花奶同煮，甜甜地好易入口，就算唔食得辣都可以食得到。明爐蒸烏頭，黃油烏頭魚係上等貨色，其脂肪豐盈，口感香滑，魚味鮮美。烏頭雖屬淡水魚，但與海魚相比毫不遜色。泰式青檸梳打，青檸味道濃郁，少少甜，好夠味又解渴。