小曼谷海鮮燒烤屋

营业中

休息中

九龍城泰國食店林立，所以一諗起食泰國野，大家都會馬上諗去九龍城，今日約左一班朋友係九龍城飯聚，呢間鋪以前都黎過幾次，環境闊落，店舖比較大，座位數目多，所以都容易訂位。一如以往，呢度既食物依然充滿泰國風味，色香味俱全，每次幫襯都會叫呢個泰皇咖啡法包殼蟹，咖啡香濃惹味，沾上面包或軟殼蟹，味道更上一層樓，令人食唔停口。生菜包都係食泰國野必叫菜色之一，生菜鮮甜爽口，豬肉碎香辣可口，兩者非常配合。冬陰功湯都係泰國菜特色之一，個冬陰功湯酸酸甜甜，又多海鮮。呢間炒粉面飯都好夠鑊氣，但我自己就特別鍾意食金邊粉，酸甜感特別令人開胃，仲有花生碎錦上天花。大家鐘意泰國野，不妨試下