小曼谷泰國美食 (南角道)

营业中

休息中

諗起食🇹🇭泰國菜必定首選九龍城，而只從屯馬線開通後，更加多咗好多新既餐廳，不過多年黎🔸🔹小曼谷海鮮燒烤屋🔸🔹依舊係我首選。 泰國菜嚟講佢選擇都算多而且試過咁多款菜式都係好食嘅。今次同三個朋友嚟食飯，先黎個生蝦刺身，刺身新鮮加上獨特醬汁，非常醒胃。 蝦夠大隻同埋 肉質都夠爽～再嚟豬肉生菜包，份量足，食落惹味清新，一貫出色， 唔會太鹹。之後嘅係黃咖喱雞，咖喱香濃，唔算好辣。 適合唔太食得辣嘅朋友仔 而烤薄餅永遠都係配合咖喱嘅不二之選。 薄餅點一點咖哩汁， 索曬味～燒烤方面我地點咗炭燒豬頸肉同牛仔骨，炭火燒出嚟特別香口，牛仔骨充滿肉汁，燒完唔會好乾柴口。另外我哋仲叫咗一個蒜蓉椰菜苗同埋濕炒河， 椰菜苗份量都唔少,炒得幾惹味~ 就咁食咗一餐非常滿分既泰國菜。