Chill Inn (已結業)

平時係九龍灣去開德福同megabox食飯 今次就同朋友去E Max搵好野食啦😋見到呢間Chill Inn 裝修幾簡約 又有live music聽 所以就揀左呢間！一入去環境昏暗勁有feel！坐位好闊落舒適 同情人/fd子黎傾計都好岩！值得一提係live music有得點唱 俾張紙仔侍應幫手俾歌手就可以喇！食物款式都好多 竟然有肉骨茶！即刻嗌左個黎暖胃😋碗湯好大碗 兩個人飲可以每人分到兩至三碗👍🏻用料亦都好足 煲得好入味！肉質就相對唔夠稔 不過係視乎自己喜好👅之後嗌個小食 泰式辣肉醬芝士焗薯皮🥔超級有驚喜！辣肉醬夠惹味🤤薯皮食落好chewy！重要有大量芝士 食落更加chewy正😋主食叫左香煎孖寶虎蝦牛肝菌忌廉意大利飯🦐虎蝦大大隻又彈牙 意大利飯較為硬身 醬汁調較得剛好 唔會太杰/太稀食咁多野 當然要嗌返杯飲品🥤🥤大大杯芒果乳酪沙冰 正 冰夠碎所以飲落好綿密 芒果味濃🥭