影片
更多
2007-12-09
10 浏览
阿K經常提到食好味嘅日本手打烏冬，九龍區嘅代表係「萬豚屋」，至於香港區嘅代表就係「函館」。所謂好味，其實係講緊烏冬嘅質地，以彈牙有咬口為佳，如果能夠做到烏冬本身浸响湯底好耐都唔淋，此之謂上品。是晚阿K同友人响尖沙咀逛街，我放工後同佢地會合，一齊向「萬豚屋」進發。時間七點鐘未夠，但係門外已有大約十數人等候，幸好不消一會就可以入座。阿K是晚似乎冇乜食神，想食海鮮烏冬：對唔住，冇晒海鮮；咁豬手烏冬啦：落單好耐之後先番嚟話唔好意思，啱啱賣晒，服務一欄要扣分。阿K對牛肉敏感，最後好無奈咁叫咗一客雞扒烏冬。同行友人叫咗豬骨湯底嘅豚肉烏冬，而我就叫咗黑芝麻湯底嘅豚肉烏冬。豬骨湯清甜的，呈奶白色，無論賣相或味道都幾出色。味精就少不免的了，雖然友人叫我試多啲，但係我都適可而止。至於黑芝麻湯我就唔係好識欣賞，其實湯本身十分容易入口，之不過味道唔係好對咀形，有點兒格格不入。烏冬由於用石頭鍋盛載嘅緣故，久久都保持相當嘅溫度，烏冬本身亦唔會因為浸得太耐變淋，呢一點可以俾滿分。除咗烏冬之外，我地仲叫咗幾客小食，包括「燒鯖魚」、「炸豆腐」、「炸蕃薯」及「蟹肉沙律」。鯖魚本來係一樣好容易整得好食嘅食物，可惜是晚嘅鯖魚
阿K是晚似乎冇乜食神，想食海鮮烏冬：對唔住，冇晒海鮮；咁豬手烏冬啦：落單好耐之後先番嚟話唔好意思，啱啱賣晒，服務一欄要扣分。阿K對牛肉敏感，最後好無奈咁叫咗一客雞扒烏冬。同行友人叫咗豬骨湯底嘅豚肉烏冬，而我就叫咗黑芝麻湯底嘅豚肉烏冬。豬骨湯清甜的，呈奶白色，無論賣相或味道都幾出色。味精就少不免的了，雖然友人叫我試多啲，但係我都適可而止。至於黑芝麻湯我就唔係好識欣賞，其實湯本身十分容易入口，之不過味道唔係好對咀形，有點兒格格不入。烏冬由於用石頭鍋盛載嘅緣故，久久都保持相當嘅溫度，烏冬本身亦唔會因為浸得太耐變淋，呢一點可以俾滿分。
除咗烏冬之外，我地仲叫咗幾客小食，包括「燒鯖魚」、「炸豆腐」、「炸蕃薯」及「蟹肉沙律」。鯖魚本來係一樣好容易整得好食嘅食物，可惜是晚嘅鯖魚太瘦，欠缺應有嘅魚油香味，十分可惜；兩種炸物，以蕃薯稍為優勝，豆腐落敗只因為脆卜卜嘅表面比蕃薯更經唔起時間嘅考驗；沙律則比較受席上女士們歡迎，蟹肉迎用料亦意外地新鮮。
由於寫食評嘅時間與食嘅時間相距太遠，價錢已經唔係咁記得，大約係每人一百蚊咁上下啦。下次再嚟，可以試吓凍烏冬，相信效果會更加好。
张贴
