影片
更多
2016-08-02
2167 浏览
又係一年一度七月之星既生日飯啦，三位都係七月之星，唯獨我唔係，A小姐強烈要求試大坑九重鮮，我記得年頭我去過黃埔嗰間，都好似幾正！所以今晚照go go go！餐廳係一樓，要上一層樓梯，上到去正呀！冷氣夠勁！我地order左首爾塔，無計啦！有三個套餐，平嗰個又爭d，貴嗰個又食唔起XD，所以食個中等既。塔黎之前仲有韓式小碟tim！店員同黃埔一樣，好細心咁介紹，85度就食得，食層建議享用時間係5分鐘~等左大約5分鐘，終於食得第一層啦！次序有d亂，因為食得太快啦！蟶子隻隻十分大隻，d肉好煙un，但食落又帶點爽口，肉多，長度差唔多有我兩隻手指咁長！大蚌又係好大隻，好鮮甜，但相對地肉較少，質感比起蟶子更煙un，仲有我好中意有個殼既大蚌，大蚌汁留左係個殼度，食完飲埋d湯，十分鮮甜！元貝都好大隻，一打開個塔已經覺得好震撼，因為好大隻，4隻放埋一齊已經覺得好似大到霸晒成個塔！元貝肉固然煙un，但食到個橙色肥美既膏位，一咬d膏好似爆出黎，濕濕地，係個口中徘徊好正！海蝦既排列好得意，我覺得好似泳池d團隊花式游水，show隻腳出黎嗰d，蝦有我隻手咁長，因為太熱，等左一陣先食得，海蝦肉一d都唔失禮，由於係蒸，ke
餐廳係一樓，要上一層樓梯，上到去正呀！冷氣夠勁！我地order左首爾塔，無計啦！有三個套餐，平嗰個又爭d，貴嗰個又食唔起XD，所以食個中等既。塔黎之前仲有韓式小碟tim！
店員同黃埔一樣，好細心咁介紹，85度就食得，食層建議享用時間係5分鐘~等左大約5分鐘，終於食得第一層啦！次序有d亂，因為食得太快啦！
蟶子隻隻十分大隻，d肉好煙un，但食落又帶點爽口，肉多，長度差唔多有我兩隻手指咁長！大蚌又係好大隻，好鮮甜，但相對地肉較少，質感比起蟶子更煙un，仲有我好中意有個殼既大蚌，大蚌汁留左係個殼度，食完飲埋d湯，十分鮮甜！
元貝都好大隻，一打開個塔已經覺得好震撼，因為好大隻，4隻放埋一齊已經覺得好似大到霸晒成個塔！元貝肉固然煙un，但食到個橙色肥美既膏位，一咬d膏好似爆出黎，濕濕地，係個口中徘徊好正！海蝦既排列好得意，我覺得好似泳池d團隊花式游水，show隻腳出黎嗰d，蝦有我隻手咁長，因為太熱，等左一陣先食得，海蝦肉一d都唔失禮，由於係蒸，keep住蝦本身種鮮味，佢唔算甜，但食得出新鮮！肉又唔鞋唔梅，每人仲有兩隻，讚！
海螺都成十幾隻，味道本來普通，無乜味，但餐廳貼心地準備左豉油，點左之後即刻好味左好多！而且呢個盤配有好多蔬菜，南瓜勁甜，十分林亦新鮮，冬瓜薄片，消暑良品！粟米雖然係清蒸，但唔好以為無味呀！估唔到勁鮮甜！
象拔蚌，北寄貝，蝴蝶蚌同一般殼類一類，肉鮮又煙un，大花蛤亦好大隻好鮮味，特別係個湯？汁？鮮甜得黎完全無味精！
黎到兩味我既最愛，沙巴肉蟹同龍躉！沙巴肉蟹有兩隻，蟹膏相當肥美，有少少咸味，蟹殼d膏亦好肥美，堅足料！唔好以為無鉗好難食蟹腳，原來已經碎碎地，好容易就已經食到蟹肉！花尾龍躉好新鮮，魚肉爽脆，嫩滑，有咬感但係又唔係好厚！
我地一開始已經order左豬手粥底，豬手充滿骨膠原，仲有大大隻既蜆同年糕加埋每層海鮮塔既海鮮精華，個粥底十分甜，係海鮮鮮味嗰種甜。由於已經食左咁耐海鮮塔，粥又係一開始煮，所以變粥水，感覺有d稀。
讚下呢度既Services先，十分好，店員好細心，笑容滿面，仔細教我地點食，每層都主動幫我地攞走個塔，仲介紹我地飲左枝好香柚子味既韓國酒tim！最緊要係壽星女都滿意，生日大快樂呀！
张贴
