鉄人旨花 (已結業)

看罷醫生已經差不多午飯時間，突然醒起同事提過佢地偶爾會搭車過西環捃食，雖然趕少少，但選擇多同無灣仔中環銅鑼灣咁爆多人，今日見出開嚟就去西環捃食。乘港鐵途中上OpenRice搜尋一下有咩吸引，仲有兩日就搭入10月氣溫依然高企，日頭成卅幾度，啲熱辣辣嘅全部免問，哈哈，咁好似淨番日本嘢掃掃下突然見到一間個名熟口熟面「鉄人旨花」原來西環都有店。曾到過銅鑼灣店食おまかせ，印象非常好，銅鑼灣店環境、服務、食物質素等每一樣都好滿意，所以就鎖定目標！西環店看地圖好像剛在香港大學站和西營盤店中間，不過建議係香港大學站B1出口再行大約3分鐘。此店位於內街地舖店面不大，午市所見，大約11組二人檯再加設1組臨時二人檯，坐滿後店面沒有多少空間。店舖格局擺設和銅鑼灣店完全不同，西環店比較港式，使用的餐具頗茶餐廳，感覺真係大打折扣。午市有很多定食、有燒物、壽司、刺身、烏冬等等。而我在乘車途中已經諗咗要食刺身丼！叫了秋丼盛再加一件海膽壽司雙層海膽壽司$58實物和照片相符湯（午餐跟埋的）有一隻蜆仔沙律（午餐跟埋的）內裡有牛油果我的丼來了一隻牡丹蝦，兩雙甜蝦，帶子、右口邊魚、甜蛋、蝦籽丼中的飯對我來說著實份量太多（平時白