影片
更多
2018-10-26
1767 浏览
平时听九层塔海鲜塔呢啲名就听得多，亲友远自外国返香港话想试下蒸海鲜锅，难得有机会一尝滋味，于是就揾咗呢间位于红磡嘅九重鲜。九重鲜店内环境阔落，原来佢系韩国餐厅黎嘅所以一坐低店员就上咗几碟传统嘅韩国前菜、小食等等。睇完餐牌之后，我地叫咗$398嘅「首尔塔」套餐，都系一啲大路嘅海鲜，最后就系粥底，我地拣咗韩式猪手汤，估唔到有意外惊喜！话明九层塔，店员真系好快就搬咗个塔出黎，亦真系有足足九层架！第一层系象拔蚌同蛏子，两款海鲜都好大只，尤其是蛏子又甜又厚肉，而且有足一只手掌长度。第二层系元贝，都系好厚肉而且大只，肉汁鲜甜，不过配菜胜瓜就有少少老同嚡口。第三层系众人又爱又恨嘅虾啦！因为要剥壳所以大家都您推我让咁海虾食落几新鲜，肉质爽口第四层有贵妃蚌、龙趸同八爪鱼，可能我地食得慢嘅关系，呢一层嘅肉质都比较老同缩咗水不过龙趸系三款之中比较好食嘅，可能系因为本身肉质关系第五层系花蛤、芝士丸同南瓜，芝士丸食唔出芝士味，感觉似普通的鱼蛋，而花蛤正正常常，唯独南瓜就淡而无味，连南瓜本身的味道都欠缺，而且蒸咗一段时间仍然系硬身。第六层黎到重头戏沙巴肉蟹，4人份量系两只蟹，都几大只几厚肉，而且好多膏，肉质刚刚好
九重鲜店内环境阔落，原来佢系韩国餐厅黎嘅所以一坐低店员就上咗几碟传统嘅韩国前菜、小食等等。
睇完餐牌之后，我地叫咗$398嘅「首尔塔」套餐，都系一啲大路嘅海鲜，最后就系粥底，我地拣咗韩式猪手汤，估唔到有意外惊喜！
话明九层塔，店员真系好快就搬咗个塔出黎，亦真系有足足九层架！
第一层系象拔蚌同蛏子，两款海鲜都好大只，尤其是蛏子又甜又厚肉，而且有足一只手掌长度。
第二层系元贝，都系好厚肉而且大只，肉汁鲜甜，不过配菜胜瓜就有少少老同嚡口。
第三层系众人又爱又恨嘅虾啦！因为要剥壳所以大家都您推我让咁海虾食落几新鲜，肉质爽口
第四层有贵妃蚌、龙趸同八爪鱼，可能我地食得慢嘅关系，呢一层嘅肉质都比较老同缩咗水不过龙趸系三款之中比较好食嘅，可能系因为本身肉质关系
第五层系花蛤、芝士丸同南瓜，芝士丸食唔出芝士味，感觉似普通的鱼蛋，而花蛤正正常常，唯独南瓜就淡而无味，连南瓜本身的味道都欠缺，而且蒸咗一段时间仍然系硬身。
第六层黎到重头戏沙巴肉蟹，4人份量系两只蟹，都几大只几厚肉，而且好多膏，肉质刚刚好而且鲜甜
黎到第七层系鲍鱼，从图片都睇到系几细只不过幸好都几厚肉，而且唔会太韧，另外仲有萝卜同冬菇作配菜。
倒数尾二层第八层，有南瓜、蕃薯、粟米以及黑汁豚肉丸。豚肉丸虽然外貌唔讨好，但系食落几弹牙而且味道唔错而蔬菜整体都系无味而且质地较硬，似乎蒸得唔够长时间或者品种问题，有需要改善。
终于黎到最后一层第九层，就系成个塔精华所在嘅粥底我哋拣咗韩式猪手粥，材料除咗猪手仲有韩国年糕，成个粥味道刚刚好，唔会过咸，猪手好腍，友人们一致认为呢个粥底先至系主菜
喺用餐过程，店员都照顾周到，十分有礼，值得赞赏。
张贴
