板上 (已結業)

今日有d時間得閒，好耐冇入過九龍灣國際展貿中心，唔知變成點，就入去行吓順便睇返場戲入到去原來都變左好多，多左個美食廣場和好多食店睇戲前一於醫飽個肚先，行左一轉真係太多嘢食好難選擇，最後揀左呢間來試吓睇餐牌都幾多款式，首先要去櫃面落單，等叫號碼再取餐，我叫左個黑胡椒香煎魚柳飯和熱咖啡，取餐時見份量還可以，如果唔夠還可自己加飯，還有麵豉湯，任你無限添飲添食前菜：海草和粟米粒幾好味，至於個主菜黑胡椒香煎魚柳，食到少少黑胡椒香味，魚柳就外脆內嫩，在九龍灣呢個價錢食一餐算可接受