九龍坎麻辣火鍋

营业中

休息中

服務同環境都好的四川麻辣火鍋平時都係食開任食火鍋比較多，今次朋友提議搵間質素高一點不限時的火鍋慢慢食慢慢傾，於是我地就今次黎呢度食。呢度裝修好適合打卡有濃厚嘅中國風，周圍播住喜慶嘅中樂，好有氣氛，今次我同朋友兩個人黎有卡位坐，十分闊落，而且設計好似包廂咁，私隱度幾高，岩晒同朋友傾計敍舊。因為我朋友唔食辣，但我就鍾意食辣，所以我地揀左呢度嘅特色三國演義湯底，即係一個辣湯底（牛油）再跟另外兩個湯底，另外兩個我揀左蕃茄同菌湯，辣湯可自選辣度。醬料可以到醬料區自行調教，一般辣椒蔥花蒜茸沙茶醬辣椒油都有，今次我特登試左四川火鍋特色干碟同埋麻醬，點干碟香辣惹味，麻醬好香滑。食材方面，賣相都好新鮮，推薦九格格，由九小份特色食材組成，當中有鴨血，鵝腸，黃喉，蝦，海帶，黑柏葉，牛丸，珊瑚蚌，魚片，都係爽口野為主，魚片同鴨血亦好嫩滑。豬腩片抵食，手切牛肉同肥牛質素唔錯。服務員十分細心，不用呼喚，一見到湯唔夠就主動加湯，食了個半鐘左右，都加了三次湯，另外，餐廳入面有個鼓，有位婆婆帶了兩位孫仔，孫仔嚷着要打鼓但唔夠高，服務員便抱起小朋友讓小朋友可以打到鼓，婆婆都向服務員道謝，有講有笑。