影片
更多
2005-04-18
25 浏览
昨晚九點幾，搵野食．可能夜，場中只有4、5位客人，但我知道隔牆房中有圍客～一坐底，平時都習慣睇晒成個menu先叫諗食乜，點知我一拎起本野，個經理（我估係）就黎問我地點食～我話我主要食刺身，朋友食飯，已聲明我地係幾日冇食飯。佢\就按佢\主意介紹呢樣介紹果樣～冇所謂既，有人請我唔洗理貴唔貴架麻，佢\介紹咪試下lor！佢\不停話一份（1件）刺身可開２兩份分，我心想...下咁點夠食呀？！然後我另點了我一定要食既海膽,三文魚子sushi同牡丹蝦,佢\就話咁好啦等你食到咁上下先上個飯比你朋友啦...... 我心裡又諗，等到我咁上下？？我有排都未到\"咁上下\" 架喎！anyway，佢\去安排了。結果，先上了4款刺身，果然係一件開二，但係\"一件\"係厚切既，所以開２都算ok，佢\都幾好，會同我地介紹魚味道，由清到濃味。而佢\上既幾款魚都幾特別，有ｄmenu冇既：起之翅（定係\"喜之次\"呢? 唔知正寫係點!)，呢個味道好清淡，感覺好原始；赤六（唔識正寫～）比較有味道，清甜ｄｄ；青魚、同油甘魚，大家都熟啦～然後上我既海膽，三文魚子，同牡丹蝦。三文魚子同牡丹蝦個樣正正常常咁啦！海膽佢\就話係北海道既，
可能夜，場中只有4、5位客人，但我知道隔牆房中有圍客～
一坐底，平時都習慣睇晒成個menu先叫諗食乜，點知我一拎起本野，個經理（我估係）就黎問我地點食～我話我主要食刺身，朋友食飯，已聲明我地係幾日冇食飯。佢\就按佢\主意介紹呢樣介紹果樣～冇所謂既，有人請我唔洗理貴唔貴架麻，佢\介紹咪試下lor！佢\不停話一份（1件）刺身可開２兩份分，我心想...下咁點夠食呀？！然後我另點了我一定要食既海膽,三文魚子sushi同牡丹蝦,佢\就話咁好啦等你食到咁上下先上個飯比你朋友啦...... 我心裡又諗，等到我咁上下？？我有排都未到\"咁上下\" 架喎！anyway，佢\去安排了。
結果，先上了4款刺身，果然係一件開二，但係\"一件\"係厚切既，所以開２都算ok，佢\都幾好，會同我地介紹魚味道，由清到濃味。而佢\上既幾款魚都幾特別，有ｄmenu冇既：起之翅（定係\"喜之次\"呢? 唔知正寫係點!)，呢個味道好清淡，感覺好原始；赤六（唔識正寫～）比較有味道，清甜ｄｄ；青魚、同油甘魚，大家都熟啦～
然後上我既海膽，三文魚子，同牡丹蝦。三文魚子同牡丹蝦個樣正正常常咁啦！海膽佢\就話係北海道既，但個樣就好唔吸引了。（sushi係逐件叫)
然後就上朋友既鰻魚飯！！（唔係卦，咁就叫做\"等我咁上下\"？？）鰻魚／飯分開上既，唔係一個盒咁。鰻魚大大份，燶燶地脆脆地，味道剛好唔好太鹹。可惜飯既份量太少太少啦！
再來朋友點既豆腐/法國鵝肝鐵板燒。我就覺得普通啦！鵝肝更不是表面脆內裡滑啦。
佢\揸主意其實冇問題既，不過我覺得佢\太自以為了解客人囉！結果我好肯定佢\係好意外自己安排有ｄ錯誤！因每次食物上晒，我又拎起menu睇，佢\又行埋黎問仲想試ｄ乜，再講一ｄ。前前後後３，４次，我都未有幾會好完整睇一次個menu，搞到最後我其實都有ｄ唔想理佢\！
佢\再介紹兩件sushi：一件係較普通既帶子圓形sushi，睇上唔知原來係辣既；另一件都係圓形，牡丹蝦肉粒上有魚子，充滿柚子既清新味道（無柚子肉）,食起黎好舒服！幾好。
朋友再點了好普通既雞軟骨串同燒多春魚。
我再點了終於在menu見到既魷魚鹽辛同梅酒……咁先安落d，起碼我結果睇得到個餐\牌！
最後，個經理又見我拎起個menu，又問。我都唔想拖咁耐，哈哈，好直接話有冇ｄ飽ｄ既野呢？結果我話要食碗烏冬。誰不知佢\又賴好幫我咁寫半份豬骨湯雜菜烏冬……
呢度好就好在任何野都可以叫\"半份\"，分量\"的骰\"d可試多ｄ款。但衰就衰在果個人乜都同你決定寫半份！由刺身到鵝肝到碗烏冬佢\都好順口咁答\"好既,我幫你寫半入啦!\"！我都冇咁好氣問佢\可唔可以寫足本一份比我！特別係ｄ刺身.........
呀係！ 差ｄ唔記得。仲有櫻花雪糕，幾新奇，但其實冇咩特別。食落有ｄ清香，當然我唔知櫻花係咪咁既味啦．．．．．．．
张贴