大家姐雲南米線 (已結業)

極度難食既米線，酸辣湯底得酸味，試下啲配菜，一咬啲酸菜，酸到唔識形容，再試下啲腐皮，韌過像筋，再食雞肉，真係不予置評，成陣怪味，都唔知係咪真係雞肉黎，手拍青瓜我諗係成餐飯裡面比較食得落口，但都係唔好食架啦。杯珍珠奶茶竟然係薄荷味，完全飲唔到奶茶味，珍珠韌過我條命，我諗依杯野應該叫珍珠薄荷水先岩。行到攰諗住搵間野坐低食下，行過見到雲南米線，又好耐冇食過米線就入左去，入到去見好少人已經心諗「會唔會係伏架」但已經好攰所以就唔理咁多食左先算，點知同我諗既一樣。最後我將所有野打包拎走，拎返屋企餵狗算數，不過唔知啲狗食唔食呢，晏啲再更新話比你地知。極度奉勸各位千其千其唔好去試！！！